Pyar

Hoti hai ye jab tez,
Pata nahi deti hai kya sandesh,
Dhadkti hai bas zor zor se,
Jab judti hain dil ki tarron se,
Deti hain pyar ka ehsaas.

Akele pan ko bhi bhar jata hai,
Ghumta hai bankar saya,
Kartein hain hum baatein unse,
Lagta hai jaise woh humare paas ho aya,
Deti hain pyar ka ehsaas.

Meelon door jab bethi hun unse,
Tadpan si lagi hai man main tabse,
Chahti hun udna itni tez,
Pahunch jaon unki bahon main bas yehi aas se,
Deti hain pyar ka ehsaas.

Karti hun intezaar har pal unka,
Kab aayen aur de jayen muskurahat mujhe,
Bin unke to dil rehta hai udaas,
Kehta hai bas le chalo unke paas,
Deti hain pyar ka ehsaas.

Bada vichlit ho uthta hai man,
Kar raha hai unka intezaar,
Har pal saalon sa beet raha hai,
Tadap raha hai dil ho utha hai bekarar,
Deti hain pyar ka ehsaas.

Aankhen taras rahi hain unke daras ko,
Taras uthe hai kaan sunane ko unke bol,
Adhar bhi ab shukh chuke hain karke faiyaad,
Jaane kab aayegi unko humari yaad.
Deti hain pyar ka ehsaas.

Lambi ho umar unki,
Sochne par yaad to kartein hain,
Ek halke sa jawab dekar,
Saari tadpan to bujha jaatein hain,
Deti hain pyar ka ehsaas.