BHAVNAYEIN

Badi ajab si hoti hain,
Jinka koi samay nahi,
Jinka koi roop nahi,
Bas thapthapati aati hain.... Bhavnayein.

Inko sambhalna bhi mushkil,
Doosron ki samajhna bhi mushkil,
Kathor bhi hain, Rochak bhi,
Phir bhi chahte hai sabhi inhe..

Aati hai tufaan lekar,
Jaati hain aansu dekar,
Chahe phir wo kyun na pyaar ho,
Yaa phir narazgi main rehkar..

Judi hai Man aur Dil ki taaron se,
Jo vash main nahi aati kisike,
Karle ikkatha inko jo apne dil main,
Palat kar bura kahar barsa deti hai usi pe..

Kuch kehte hain inhe vyaakt karlo,
Kuch kehte hai tyaag do,
Par inmein se koi bhi aisa upay nahi,
Jinka kabhi prayaas ho..

Janmein hai inke sath,
Inhi ke sath jana hai,
Kisike liye unchai ka darja,
To kisike liye dukh ka paimana hai..

Soch ko shabd ka roop na do,
Par bhavnaon ko sharir dedo,
Kyunki bhavnaayein to bholi hoti hai,
Badnaami ka naam SOCH se palatkar inko naa do..

Waqt

Samay chalti dhara hai...
koi jeeta koi hara hai..
humare bas main nahi usko kabu karna...
kyunki isime jine ka har ek sahara hai

WAQT

Kabhi accha kabhi bura kehlata hai,
Kitno ko hasata kitno ko rulata hai,
Sabko jakad rakha hai apne jaal main,
Waqt bada bura hai kalyug ke kaal main..

Aise roop main ata hai saya bankar,
Har haalaat ko palatkar rakh deta hai,
Jinhone pala hota hai apne bankar,
Wo bhi is pal main sath chod deta hai..

Thes pahunchti hai dil ko itni,
Jab jo kabhi socha na tha wo dikhe,
Aaj humare hath bandhe hue hai,
To apne bhi mooh modte dikhe..

Janaa hai jisne jab wo naa samaj paya,
Bure waqt main jab mera sath na de paya,
Kya main mere waqt ko dosh dun,
Jisne muje sabka rang dikhlaya..

Phir kya kasur hai mere is pal ka,
Jo sab par rooth kar ata hai,
Bas sikhata hai humko yehi itna,
Ki bure waqt main apno ka bhi sath chooot jata hai

Masti..

Baat hai us waqt ki,
Jab naa jante the hum,
Ki jiske itne karib honge,
Wo ajnabee hoge tum..

Waqt beeta pal guzre,
Aya wo din anokha sa,
Khushi thi armaan tha,
De gaya ehsas lambe sath sa..

Ghabra raha tha dil,
Baatein hongi kis baat par,
Aaj aisa din aya hai,
Rok nahi hai baton ke silsile par..

Wo ajnabee aaj jeevan ka hissa hai,
Bekabu kar gaya hai dil ko mere jo,
Pyasi ankhen tarasta man bas ab,
Har pal marta hai unhe dekhne ko..

Jee rahe hai bin unke,
Peechle kuch dino se,
Le rahe hai sanse, beete kuch,
Palon ki yaadon se..

Aapke hathon ka sparsh,
Aaj bhi dil main umang jagata hai,
Aur wo naram honto ka ehsas,
Jeena mushkil kar jata hai..

Wada hai aapse mera,
Aapko kabhi na khafa karenge,
Bas hume itna pyar dena,
Nahi to naa jine ki khata karenge..

“Pyar” mehez ek shabd nahi,
Ekjut hai kai bhaavnaon ka,
Aapse hum pyar kartein hai,
Jo hissa hai meri MASTI ka..

WOH BHI KYA DIN THE

PYAR KARTE THE PAR TUMHI SE CHUPAYA KARTE THE,
MILNE KI AAS RAKTE THE PAR TUMHI SE SHARMAYA KARTE THE,
WOH BHI KYA DIN THE,
JO TUMHARE SAAYE MAIN BITAYA KARTE THE..

SANSE TEZ CHALTI JAB TUMSE NAZAR MILAYA KARTE THE,
CHUNA CHAHATE THE PAR TUMHI SE DOOR RAHA KARTE THE,
WOH BHI KYA DIN THE,
JO TUMHARE SAAYE MAIN BITAYA KARTE THE..

DAR THA HUMEIN KI KAHIN TUMHE YE RAAZ NA PATA CHAL JAAYE,
BHATAKTI ANKHOON AUR TEZ SANSON SE HAALE DIL BAYAN NA HO JAYE,
WOH BHI KYA DIN THE,
JO TUMHARE SAAYE MAIN BITAYA KARTE THE..

DUA KARTE THE KI HAR GHADI TUMHARE PASS REH SAKE HUM,
PAR AATE HI TUMHARE SAAMNE BAADLON MAIN HUM KAHIN CHUP SE JAATE THE,
WOH BHI KYA DIN THE,
JO TUMHARE SAAYE MAIN BITAYA KARTE THE..

KOSHISH KI KAI BAAR IS BAAT KO TUMSE JATANE KI,
AAJ BHI DAFAN HAI SINE MAIN WHO BAAT EK RAAZ SI,
JO KADAM BADANA CHAHTE THE TUMHARE PYAR KI AOR,
MOD DIYA KUCH LOGON NE RUKH UNKA..
PAKDA DI HATH BAS MAIKHANE KI DOR..
WOH BHI KYA DIN THE,
JO TUMHARE SAAYE MAIN BITAYA KARTE THE..

KALAM AUR KHAALI PANNE

Kholi maine ek kitaab,
Jiske panne the saaf saaf,
Chahti thi unpar kuch likhna,
Par man naa de raha tha sath..

Kabhi chaha likhna bachpane par,
To kabhi budhaape par likhna chaha,
Kabhi is desh ki durdasha par,
To kabhi jeevan ki dukhmai chaya..

Khaali panna taras raha tha,
Hawa ke jhonke se ud raha tha,
Cho raha tha meri ungaliyon ko,
Mujse kuch accha likhne ko keh raha tha..

Hath main kalam thi syahi bhari,
Jakdi padi thi ungaliyon main meri,
Vo bhi chahti thi kuch likhna,
Chahti thi un safed panno ko rangdena..

Aakhir maine socha bohot,
Phir bhi naa dhund pai koi accha marg,
Aankhen uthakar jab dhyan se dekha,
To khuli kitab par paya --- Khaali Panne aur Kalam ka sath..

Jo the berang aur khali panne,
Un par ab thi syahi padi,
Man to ab bhi kuch aur soch raha tha,
Par khali paano par kalam ki thi rangat chadi..

UNKI YAAD

Milan hua tha pal do pal ka,
Pal do pal ka basera tha,
Phut te hi ankur is subah ke,
Pass na mere koi mera tha..

Beet gaya waqt bhi aise,
Daud raha tha jaise taise,
Chah raha tha alag karwana,
Najane jeeta woh aise kaise..

Unki bhuri ankhon main,
Parchai meri jhalak rahi thi,
Baan chalay aise mujhpe,
Tip tip ankhen baras padi thi..

Gam tha, Duri bhi thi,
Bhichadne ki majboori bhi thi,
Alag to karna tha hi is pal ne,
Par jald milne ki Huzuri bhi thi..

Dedicated to someone very special to me

Jee Le

Tu jee le chal ek baar phir se,
Maut ka kya dar bana hai,
Aati hai jo har ek pal main,
Aisi maut se bhi koi mara hai..

Tu jee le chal ek baar phir se,
Maasom ankhon ki nami ko chu le,
Man main sulagti icchaon ko paa le,
Kar de poora inbaaton ko is baar dil se..

Tu jee le chal ek baar phir se,
Baaton main na taal zindagi ko,
Samay main na dhaal zindagi ko,
Jatade bayane haal zindagi se..

Tu jee le chal ek baar phir se,
Kaun jane kab kis mod par,
Khatam hogi kahani kis door par,
Dastak degi akhiribaar dil pe..

Tu jee le chal ek baar phir se,
Jatade dil ka haal zindagi se,
Kuch moke milenge sambhal le unhi ko,
Phir na shikayat karna jeene ki ek baar phir se

Dil ka Aalam

Tanhai ka alam tha,
Gam ka basera tha,
Ek aisa andhera chaya tha,
Jiska na koi savera tha..

Palak jhapkati jaa rahi thi aankhen,
Dhund rahi thi tinke tinke main nishan unka,
Aashayen bhare man ko intezar tha,
Kab milega aankhon ko deedar unka..

Bhul baithi thi samay ki chalti dhara main,
Bas le rahi thi imtehaan unka,
Pal jo har waqt laut kar nahi aate,
Par dil dohra raha tha naam unka..

Bas kuch aur palon ki duri hai,
Ab milna unka bohot zaruri hai,
Khatam ho rahi is kadar har ghadi,
Bas ab nazron se saanse lana zaruri hai..

Bas Pyar

Chahat itni bhari hai is dil main,
Khinche chale aa rahe hain tumhare paas..
Simatna chahte hai tumhare aaghosh main,
Bas dar hai koi cheen na le is man ki aas..

Badti jaa rahi hai umeeden tumse,
Thaam, naa paa rahi hun main inka haath..
Kaise rokun in uchalti umeedon ko,
Bas dar hai koi cheen na le is man ki aas..

Khwahish to thi ki paaon aisa saath,
Naa socha tha kabhi ki poori hogi ye baat..
Ghabra raha hai man tumko paane ke baad,
Bas dar hai koi cheen na le is man ki aas..

A Khuda gar tu kar mujhpar ek meherbani,
Ye jo zindagi hai kuch DO paloon ki kahani..
Dikha raasta is khwahish aur umeed bhare pyaale ko,
Jo! gar, ye na ho saka to khatam kar de ye ZINDAGANI..

Barsaat

Halki halki baarish ki bundu se...
uth rahi hai bhini bhini si khushbu..
De rahi hai thandak ka ehsaas,
utha rahi hai dil ki soyi hui AARZOO

Padti hai chehre par jab ye bunde,
bharjaati hai khushika khumar..
tip tip padti is baarish se...
man dol padta hai mor saman..

kya kahun is waqt ke ehsas ko..
umangoo ki bel ban padi hai..
man kar raha hai niklun ghar se..
ye barsat mere liye hi ho rahi hai..

ANSU

Ansu to un barsaat ki bundo ki tarah hai,
Bas iske roop anek hai...
Ek to baraste hain garajne ke baad..
aur doosre bin garje khushi ke alam main..

Pehchan na hai bada hi muskil inko..
Pehchan na kabhi paoge..
ye to sirf dil hi janta hai..
Kis kadar use dhund paoge..

Hote hain itne bhaavook ye,
Rang dete hai hume bhi apne main..
Behte hain jab dosron ki ankhon se..
Tadpa jaatein hai humein bhi ye... kyunki !!! hum insaan hai aur dosron ka dard mehsos kar saktein hai...

Gam

Zindagi to bhari hai gamon se...
Todti hai samay ko lamhon se...
Sikhate hain jeena zindagi...
Rakhkar ankhon ko namoon se....

MAA

Bohot katheen hai samajhna usko,
Kya kya nahi sehti jo is jeevan main,
Nibhana padta hai har rishta usko,
Phir bhi rehti hai duk aur taklif main,
Yehi hoti hai "MAA"..

Humein laane ke liye is jeevan main,
Kya kya nahi sehti hai woh,
Gujarti hain kitni taklifon se,
Phir bhi sine se laga rakhti hai woh,
Yehi hoti hai "MAA"..

Apni ungli pakadkar chalna sikhati hai,
Apna pyar humare andar dalna chahti hai,
Sambhalkar rakhti hai hamesha apne sath,
Bachati hai karne se galat koi baat,
Yehi hoti hai "MAA"..

Phir uske jeevan main ek naya daur ata hai,
Jahan man ke saath sharir bhi sath chod deta hai,
Aur tab parakthi hai woh apno ko....
Jinko ungli pakadkar chalna sikhaya tha ...
Aaj woh usi ko hath dene main katrate hai...
Maa ke jeevan main kitne nirale mod aate hai,
Yehi hoti hai "MAA"..

Phir bhi bura nahi manti hai woh,
Sehti hai har pal ke dard ko,
Aur santosht rehti hai sirf isi baat se,
Ki apne kartavya ko nibhaya hai usne poora jazbaat se,
Yehi hoti hai "MAA"..

Ye to humari bhool hai jo hum use dard dete hain,
Maa hai sab sahegi aisa hum sochte hain,
Uski pida ka anubhav shayad humein aaj na ho,
Par kal hum bhi usi jagah par honge ye bhi jante hain..

Haan yehi hoti hai "MAA" jo sab kuch sehkar bhi saath deti hai, pyar karti hai,ladti bhi hai jhagadti bhi hai...par phir bhi moodkar gale se laga leti hai, par jab naa chahte hue bhi uski taklifen uske bachon ko dard deti hai to wahi MAA phoot phoot kar roti bhi hai kyunki woh apne dard aur taklifon ko apne bachon se door rakhna chahti hai taaki unhe bhi uska hissa naa banan pade... Bas ek bacche ko janam dena maa ka kaam nahi hai par use ek accha insan banan, usmein ache gun dalna use acche bure ka matlba sikhana, use ye sikhana ki burai bhi taklif ko bhi haste hue gala lagana..... lekin sab kuch hone ke baad use badle main kya milta hai ise to sara jag janta hai....

ISHQ

Ishq ek aisa jakham hai,
Jo bharne se naa bhare,
Chot khata hai dil isme itne ,
Phir bhi ISHQ karne se naa dare..

Makhmali chehron se,
Balkhate deh se,
Ishq nahi panapta hai -- in,
banavati nakhron se..

Ishq jo pyar kehlata hai,
Samajhdari ka daman har waqt chahta hai,
Kuch ise kartein hai mehez chakne ke liye,
Benam karte hai ise sirf apne jasbe ke liye..

Rang roop se nahi hota hai ishq,
Khoobsurati ho ya badsurati...
Kuch nahi samjhta hai ishq,
yeh to ek chahat hai -- jise,
kahin bhi laga deta hai ishq..

Ishq ke liye naahi umar ka takaza hai,
Naahi mazhabon ka gher hai,
Yeh to aasman main udte us panchi ki tarah hai,
Jo naa kisi ke qaid main dher hai..

Ishq ke nagme hazaron hai -- hazaron hain kwahishen iski,
Mushkil hai samajhna iske har roop ko,
Jo ise dil se kar bethe ek baar,
Hum jaise hi woh bhi bana dega iske ROOP hazar..

Umeed

Man ke andhere mian jhankakar jab dekha,
Halki si lau mujhe dikh rahi thi,
Zara paas akar use jab dekha,
Umeed apna daman faila rahi thi..

Bhara pada hai man kai shankaon se,
Dard se, Musibaton se, Taklifon se,
Fir bhi nidar bana pada hai, Kyunki..
Zara paas akar use jab dekha,
Umeed apna daman faila rahi thi..

Ladna jo sikha jaaye,
Befikar bana jaaye,
Jeevan ke har roop se jhunjana shikajaye,
Zara paas akar use jab dekha,
Umeed apna daman faila rahi thi..

Itna himmatwala hai iska naam,
totate hue ko sambhale wahi,
Basti to har kisi main hai,
Bas! Jagana jaan le ise koi..
Zara paas akar use jab dekha,
Umeed apna daman faila rahi thi..

Khatam karun is sangharsh ko,
Jo jatana chah rahi thi sabse,
Jiska matlab aaj maine jana hai jo,
Bas wahi UMEED ka DAMAN faila rahi thi tabse...

Kuch Baatein

Kuch baatein dil ko is kadar chu jaati hai....
Woh paas rahe na rahe....
Har waqt unka ehsas de jatihai...
Jab ho man udas to wahi baatein keh jaati hain...
Hum to tumhare paas hai to phir jo nahi hai uski yaad kyun aati hai...

KHUDA

khuda se dua hai yahi...
khuda se dua hai yehi...
agar to de jine ka haq...
to mushkilon ko ghata de...
nahi to rehmat kar humpar...
is jeevan ko jala de...

NARAZGI

HAZAR BAAR NARAZ HONA HUMSE,
MANANA HUM BHI JANTE HAI,
JO TO RUTH GAYE AGAR HUM TUMSE,
TO KHUDA BHI AAJAYE TADPANA HUM BHI JANTE HAIN...

Doori

Dil ka Dukh Dariya bana jaa raha hai,
Koi Pass tha Humare jo chala jaa raha hai,
Maukon ne Simatkar milaya tha Jinse,
Humen hi Chodkar woh chala jaa raha hai..

Ruk nahi raha Rokne par bhi,
Sun nahi raha Kehne par bhi,
Banane laga hai ab Man bhi Saajish,
Humen hi Chodkar woh chala jaa raha hai..

Rok lo use ab Man keh raha hai,
Bichadne ke gam se ye Man darr raha hai,
Sachai ko apnane se mana kar raha hai,
Humen hi Chodkar woh chala jaa raha hai..

Bhul na payenge bite dino ko,
Woh pal jo mile the Mushkil se is Dil ko,
Akele Chodkar ise kahan jaa raha hai,
Humen hi Chodkar woh chala jaa raha hai..

Samay palatkar ayega ek din,
Jo Choot gaya usise milayega ek din,
Yahi sochkar Dil ko Man mana raha hai,
Humen hi Chodkar woh chala jaa raha hai,
Humen hi Chodkar woh chala jaa raha hai...

Dosti

Man ki Gehrai main jhankakar to dekho,
Bichadne ka Gam kitna hai ise,
Dikhane ke liye to hum Muskura bhi denge,
Par Khushi main bhi Tapkenge Ansu iske.....

Freedom

A Freedom Is Nothing But A Chance To Become Better .......

Everything has its own value. As a life is to live, food is to eat, water is to drink..... the same ways Love is to Understand... Love is of different kind, parental love, lovers love, brother-sister love etc etc... but the level of poossessiveness and caresness is smae in all... only difference is some people show it off n some keep it hidden in depth of there heart... (Still to write more not yet completed)